بیجنگ (شِنہوا) چین میں یکم جولائی سے 29 اگست کے درمیان 8 کروڑ 24 لاکھ 10 ہزار سے زائد افراد کی آمدورفت ہوئی ۔

امیگریشن حکام نے بتایا کہ ان میں 4 کروڑ 11 لاکھ 90 ہزار مین لینڈ کے رہائشیوں نے جبکہ 3 کروڑ 24 لاکھ 70 ہزار ہانگ کانگ، مکاؤ اور تائیوان کے رہائشیوں نے اور 50 لاکھ 60 ہزار غیرملکیوں نے دورے کئے۔

چین میں گزشتہ چند ماہ کے دوران داخلی اور خارجی سرٹیفکٹس کی مانگ میں اضافہ ہوا ہے ۔ رواں سال کے اوائل میں نوول کرونا وائرس کا انتظام کم کرنے کے بعد یہ موسم گرما کی پہلی تعطیلات تھیں۔

یکم جولائی سے 29 اگست کے دوران ایگزٹ انٹری کنٹرول ڈیپارٹمنٹ نے ہانگ کانگ، مکاؤ اور تائیوان کے سفر کے لیے 34 لاکھ 20 ہزار عام پاسپورٹ اور 1 کروڑ 85 لاکھ 90 ہزار داخلی خارجی اجازت نامے جاری کئے۔

نیشنل امیگریشن ایڈمنسٹریشن نے بتایا کہ موسم گرما میں رش سے نمٹنے کے لئے ملک بھر میں ایگزٹ انٹری کنٹرول محکموں نے درخواستوں کے لئے مزید کاؤنٹر کھولے، خدمات کے اوقات کار میں توسیع کی اور ضرورت تحت ایکسپریس اور گروپ خدمات فراہم کیں۔

سرحدی عملے  نے خدمات بہتر بنائیں، مزید رہنما اشارے نصب کئے اور دیگر اقدامات کے ساتھ ساتھ سرحد پار ٹریفک کی ہموار اور منظم روانی یقینی بنانے کے لئے مزید معائنہ جاتی لین کا اضافہ کیا۔