بیجنگ (شِنہوا) چین کے مرکزی بینک پیپلز بینک آف چائنہ نے کمرشل بینکس کو 35 ارب یوآن (4.86 ارب امریکی ڈالرز) کا نیا قرض مہیا کرنے کا اعلان کیا ہے جس سے چھوٹے اور مائیکرو درجے کے کاروباری اداروں ، زراعت اور قدرتی آفات سے متاثرہ دیہی علاقوں کی مدد کی جائے گی۔

مرکزی بینک نے ایک بیان میں کہا کہ نئے قرضے چھ خطوں کا احاطہ کریں گے جن میں بیجنگ ،چھونگ چھنگ اور ہیبے ، حئی لونگ جیانگ ، جیلن اور فوجیان صوبے شامل ہیں۔اس سے ان علاقوں کو تعمیر نو کی کوششوں میں مدد ملے گی۔

سمندری طوفانوں سے ہونے والی شدید بارش سے چین کے کئی حصوں کو سیلاب اور ارضیاتی آفات کا سامنا کرنا پڑا جس سے جانی ومالی نقصانات ہوئے۔

بیان کے مطابق نئے قرض سے آفت زدہ علاقوں میں کاروباری اداروں، خاص طور پر چھوٹے اور مائیکرو درجے کے کاروباری اداروں ، زرعی شعبے، لائیو اسٹاک اداروں اور کسانوں کو قرض تعاون میں مدد ملے گی۔