بیجنگ (شِنہوا) چین میں رواں سال کی پہلی سہ ماہی  کے دوران تقریباً 20 لاکھ 39 ہزار نئے نجی کاروباری ادارے قائم کئے گئے جو گزشتہ سال کے مقابلے میں 10.7 فیصد زیادہ ہیں۔

اسٹیٹ ایڈمنسٹریشن فار مارکیٹ ریگولیشن کے اعداد و شمار کے مطابق مارچ کے آخر تک  اند راج شدہ نجی اداروں کی تعداد4 کروڑ 90 لاکھ  سے تجاوز کر چکی تھی جو ملک کی کل تعداد کا 92.3 فیصد ہے۔

اس عرصے کے دوران علاقائی ترقی زیادہ متوازن ہو گئی۔ جنوری سے مارچ تک ملک کے وسطی خطے میں 5 لاکھ 19 ہزار  نئے نجی کاروباری ادارے قائم کیے گئے جو گزشتہ سال کی نسبت 20.8 فیصد زیادہ ہیں۔  مغربی خطے میں تقریباً4 لاکھ 41 ہزار نئے نجی کاروباری ادارے قائم کیے گئے جو ایک سال قبل کے مقابلے میں 30.2 فیصد زیادہ ہیں۔

رہائش و کیٹرنگ انڈسٹری اور لیزنگ وبزنس سروس انڈسٹری میں پہلی سہ ماہی کے دوران تیزی ہو ئی جو کبھی نوول کرونا وائرس سے شدید متاثر ہوئی تھیں ۔

اعداد و شمار کے مطابق ان شعبوں میں نئے قائم ہونے والے نجی اداروں کی تعداد میں  گزشتہ سال کی نسبت بالترتیب 35.7 فیصد اور 15.5 فیصد اضافہ ہوا۔