بیجنگ (شِنہوا) چین کے اسٹیٹ فلڈ کنٹرول اینڈ ڈراؤٹ ریلیف ہیڈ کوارٹرز نے 9 صوبائی سطح کے علاقوں میں سیلاب سے نمٹنے کے لیے چوتھے درجے کا ہنگامی ردعمل فعال کردیا ہے۔

ان میں جیانگ سو ، انہوئی، شان ڈونگ، ہینان، ہوبے ، گوئی ژو اور شانشی کے علاوہ جنوب مغربی چھونگ چھنگ اور سیچھوان شامل ہیں۔

حکام نے چھونگ چھنگ اور سیچھوان میں امدادی ٹیمز روانہ کردی ہیں۔

ان علاقوں میں موسلا دھار بارش کا امکان ہے جبکہ کچھ مقامات پر گرج چمک اور آندھی بھی متوقع ہے۔

مقامی حکومتوں سے کہا گیا ہے کہ وہ بارش کی صورتحال کی سخت نگرا نی کریں۔ چھوٹے اور درمیانے دریاؤں میں قدرتی آفات اور سیلاب سے نمٹنے کے لئے ردعمل مضبوط بنائیں، آبی ذخائر کی حفاظت یقینی بنانے اور شہری علاقوں میں جمع شدہ پانی کی نکاسی کے لئے بروقت اقدامات کریں۔

چین میں سیلاب پر قابو پانے کا ہنگامی ردعمل نظام 4 سطح پر مشتمل ہے جس میں پہلی سطح سب سے شدید ردعمل ہے۔