بیجنگ (شِنہوا) وزارت تجارت کے ایک عہدیدار نے کہا  ہے کہ چین  امریکی کانگریس کو  پیش کردہ 2022 کی  اس رپورٹ کی سختی سے مخالفت کرتا ہے جو  کہ امریکہ کے تجارتی نمائندے کے دفتر کی جانب  سے چین کی عالمی تنظیم برائے تجارت  کی اصولوں   کی پاسداری کے حوالے سے  جاری  کی گئی ہے۔  

عہدیدار کے مطابق یہ امریکہ کی یکطرفہ سوچ اور مسلسل غنڈہ گردی کو پوری طرح سے بے نقاب کرتی ہے۔

 عہدیدار نے بتایا کہ امریکہ نے عالمی تجارتی تنظیم  کے وعدوں کی پاسداری  میں چین کی عظیم کامیابیوں کو نظر انداز کیا ہے، مارکیٹ کی معیشت کو ترقی دینے میں اس کی پیش رفت کو مسخ کیا ہے اور کثیر الجہتی تجارتی نظام اور عالمی اقتصادی ترقی میں اس کی اہم شراکت داری  سے انکار کیا ہے۔

عہدیدار  نے واضح  کیا کہ امریکہ نے عالمی  تجارتی تنظیم  کے دیگر اراکین کو اپنے مارکیٹ اکانومی کے معیار کے مطابق  پرکھا ہے جو کہ  قانونی اور حقائق پر مبنی بنیادوں سے عاری  امر ہے۔

عہدیدار نے کہا کہ عالمی  تجارتی تنظیم  میں سب سے بڑے ترقی پذیر ملک کے طور پر چین نے ہمیشہ کثیرالجہتی تجارتی نظام کو برقرار رکھا ہے اور دو دہائیوں سے زائد عرصہ  کے دوران عالمی  تجارتی تنظیم سے اپنے الحاق کے وعدوں کو مکمل طور پر پورا کیا ہے۔

 عہدیدار نے  بتایا کہ عالمی  تجارتی تنظیم  کے ارکان نے چین کو اپنے اعلیٰ سطح  کے ادارہ جاتی کھلے پن کی مسلسل توسیع کے لیے بڑے پیمانے پر تسلیم کیا ہے اور دیگر ترقی پذیر رکن ملکوں  خاص طور پر سب سے پسماندہ ملکوں نے  کثیر الجہتی تجارتی نظام میں اس کی فعال مدد کو تسلیم کیا ہے۔

عہدیدار نے کہا کہ حالیہ برسوں کے دوران امریکہ  یکطرفہ تجارتی غنڈہ گردی میں ملوث رہا ہے ، اس نے صنعتی پالیسیوں کے دوہرے معیارات سے ناجائز فائدہ اٹھایا  ہے اور عالمی صنعتی اور سپلائی چین میں خلل ڈالا ہے اور ایسے اقدامات کیے ہیں جس نے کثیر الجہتی تجارتی نظام کے اختیار اورمئو ثریت کو بری طرح مجروح کیا ہے۔