بیجنگ (شِنہوا) چین نے مائیکرو اور چھوٹی فرموں کی ترقی کو فروغ دینے کے لیے قرض کی صورت میں مدد اور ٹیکسوں میں کمی سمیت کئی سازگار اقدامات میں توسیع کرنے کا فیصلہ کیا ہے۔ 

وزارت خزانہ اور اسٹیٹ ٹیکسیشن کے ادارے کی طرف سے بدھ کومشترکہ طورپر جاری بیان کے مطابق،ایسےٹیکس دہندگان جن کی فروخت کی ماہانہ آمدنی1لاکھ یوآن(تقریباً 14 ہزار ڈالر) سے زیادہ نہیں وہ ویلیو ایڈڈ ٹیکس سے مستثنیٰ رہیں گے۔ اس کے علاوہ  مائیکرو اور چھوٹی فرموں اور خود روزگار گھرانوں کے لیے جن کے لیے ویلیو ایڈڈ ٹیکس کی شرح 3 فیصدسے کم کرکے1فیصدکی گئی تھی ان کے لیے یہ پالیسی نافذ رہے گی۔

متعلقہ مالی امداد بھی برقرار رکھی جائے گی۔ ایسے چھوٹے کاروباری اداروں سے متعلق قرضوں پرسود اور گارنٹی فیس سے حاصل ہونے والی قرض دہندہ کی آمدنی کو ویلیو ایڈڈ ٹیکس سے چھوٹ حاصل ہوگی  اور ان کے قرض معاہدے اسٹامپ ڈیوٹی سے مستثنیٰ رہیں گے۔بیان میں کہا گیا ہے کہ مذکورہ تمام پالیسیاں 2027 کے آخر تک موثررہیں گی۔