بیجنگ(شِنہوا)چین کی وزارت تجارت کے ترجمان نے وزارت اور تین دیگر محکموں کی جانب سے بغیر پائلٹ فضائی گاڑیوں (یو اے وی) کی برآمد پر قابو پانے بارے اقدامات کی وضاحت کی ہے۔
ترجمان نے کہا کہ چین ہمیشہ عالمی سلامتی اور علاقائی استحکام کو برقرار رکھنے کے لیے پرعزم رہا ہے اور اس نے ہمیشہ فوجی مقاصد کے لیے سویلین ڈرونز کے استعمال کی مخالفت کی ہے۔
ترجمان نے کہا کہ ڈرون سے متعلق آلات پر برآمدی کنٹرول کے دائرہ کار میں معتدل توسیع ایک اہم اقدام ہے جو گلوبل سیکورٹی اینی شیٹو پر عمل پیرا اور عالمی امن کے تحفظ کے ذریعے ایک ذمہ دار ملک کی حیثیت سے چین کے کردار کو ظاہر کرتا ہے۔
وزارت تجارت کے مطابق ان اقدامات میں کسی مخصوص ملک یا خطے کو نشانہ نہیں بنایا گیا۔
چین نے ڈرون سے متعلق آلات پر برآمدی کنٹرول کی تصدیق کی ہے جس میں یو اے وی کے کچھ خصوصی انجن اور ریڈیو مواصلاتی آلات شامل ہیں۔
اس نے کچھ کنزیومر گریڈ یو اے وی پر برآمدی کنٹرول بھی عائد کیا ہے جو دو سال کے لئے نافذ العمل ہوں گے۔
ترجمان نے کہا کہ برآمدات پر قابو پانے کے اقدامات کا اطلاق یکم ستمبر سے ہوگا۔
