ہیفے (شِنہوا) چینی سائنس دانوں نے 255 دریافت شدہ فوٹونز کے ساتھ "جیوژہانگ 3.0" نامی کوانٹم کمپیوٹر کا  پروٹو ٹائپ متعارف کرادیا ہے،جس سے ایک بار پھر فوٹوونکس کوانٹم کمپیوٹنگ ٹیکنالوجی کے دائرہ کار کو وسعت ملی ہے۔

چین کےمعروف کوانٹم طبیعیات دان پان جیان وی کی سربراہی میں، تحقیقی ٹیم نے کوانٹم کمپیوٹنگ کا یہ کارنامہ کامیابی کے ساتھ انجام دیا ہے، اور اس رفتار کو حاصل کیا ہے جو دنیا کے موجودہ تیز ترین سپر کمپیوٹرز کے مقابلے میں  گاوسیان بوسن سیمپلنگ (جی بی ایس ) مسائل کو حل کرنے میں 10ہزار ارب گنا تیز ہے۔گاوسیان  بوسن سیمپلنگ جو کہ ایک کلاسیکی طور پر ناقابل تسخیر مسئلہ ہے، کو اس تحقیق میں استعمال کیا گیا تاکہ بہتر طریقے سے طے شدہ کاموں کو حل کرنے میں کوانٹم کمپیوٹیشنل اسپیڈ اپ کا مظاہرہ کرنے کا ایک انتہائی موثر طریقہ فراہم کیا جا سکے۔ یہ تحقیق بدھ کو  بیجنگ ٹائم کے روزنامے فزیکل ریویو لیٹرز میں آن لائن شائع ہوئی ہے۔