بیجنگ(شِنہوا)چین کے اعلی اقتصادی منصوبہ ساز نے رواں سال کے پہلے پانچ ماہ کے دوران 70 مقرر کردہ اثاثہ جات سرمایہ کاری (ایف اے آئی) منصوبوں کی منظوری دی جس میں مجموعی طور پر 667.2 ارب یوآن(تقریبا93.59 ارب امریکی ڈالرز) کی سرمایہ کاری کی گئی۔ نیشنل ڈیویلپمنٹ اینڈ ریفارم کمیشن کے مطابق یہ منصوبے بنیادی طور پر ہائی ٹیک، توانائی اور نقل و حمل کی صنعتوں میں تھے۔ اعداد و شمار کے مطابق صرف مئی میں 288.8 ارب یوآن مالیت کے 14 ایف اے آئی منصوبوں کی منظوری دی گئی۔ قومی ادارہ برائے شماریات کے اعداد و شمار کے مطابق چین کی معیشت کے محرک میں سے ایک مقرر کردہ اثاثوں کی سرمایہ کاری  میں جنوری سے مئی کے عرصے کے دوران 4 فیصد اضافہ ہوا ہے۔