ہیفے(شِنہوا) چین کے پہلے مریخ مشن کے دوران لی گئیں مریخ کی تصاویرجاری کی گئی ہیں ۔

چائنہ نیشنل اسپیس ایڈمنسٹریشن (سی این ایس اے) اور چین کی اکیڈمی آف سائنسز (سی اے ایس) کی جانب سے مشترکہ طور پر  یہ رنگین تصاویر پیرکو  مشرقی صوبے آنہوئی کے دارالحکومت ہیفے میں منعقدہ چین کے خلائی دن کی لانچنگ تقریب میں جاری کی گئیں۔

نقشہ سازی کے معیارات کے مطابق 76 میٹرکی ریزولیوشن کے ساتھ لی گئی ان تصاویر میں مریخ کے مشرقی اور مغربی نصف کرہ کی آرتھوگرافک پروجیکشن، مریخ کی رابنسن پروجیکشن اور مرکیٹر پروجیکشن کے علاوہ اس سرخ سیارے  کی ایک ازیمتھل پروجیکشن شامل ہیں۔

سی این ایس اے  کے مطابق،  یہ تصاویر نومبر 2021 سے جولائی 2022 تک آٹھ ماہ کے دوران تیان وین- 1 آربیٹر پر لگے ریموٹ سینسنگ کیمرے کے ذریعے حاصل کردہ 14ہزار757 تصاویرکے ڈیٹا پر مبنی ہیں۔