شننگ (شِنہوا)چین کے شمال مغربی صوبے چھنگھائی میں پورے شمالی نصف کرہ کے آسمان کا سروے کرنے کی صلاحیت کی حامل فیلڈ دوربین گزشتہ روزآپریشنل ہوگئی،جس کی جانب سے20لاکھ نوری سال کی دوری پر واقع اینڈرومیڈا کہکشہاں کی لی گئی پہلی تصویر بھی جاری کردی گئی ہے۔

چائنیز اکیڈمی آف سائنسز کے ذیلی اداروں یونیورسٹی آف سائنس اینڈ ٹیکنالوجی اور پرپل ماؤنٹین آبزرویٹری کی جانب سے تیارکردہ وائڈ فیلڈ سروے ٹیلی سکوپ (ڈبلیو ایف ایس ٹی) اب شمالی نصف کرہ میں ٹائم ڈومین سروے کی سب سے بڑی سہولت ہے۔ آسمان میں اینڈرومیڈا کہکشاں کے وسیع و عریض ہونے کی وجہ سے، موجودہ فلکیاتی دوربینوں کے لیے بیک وقت کہکشاں اور اس کے گردونواح کا  واضح اور مکمل نظارہ حاصل کرنا مشکل تھا۔

ڈبلیو ایف ایس ٹی ، جو منظر کے ایک بڑے میدان اور ہائی ریزولوشن امیجنگ صلاحیتوں پر مشتمل ہےنےاینڈرومیڈا کہکشاں  اور اس کے آس پاس کے علاقوں کی کثیر رنگی تصویر تیار کی ہے۔ دوربین نے کئی راتوں کے مشاہدے میں لی گئی 150 تصاویر کو استعمال کرتے ہوئے یہ تصویر بنائی۔