بیجنگ (شِنہوا) چین نے نجی معشیت کی ترقی کو فروغ دینے کےلئے ایک ادارہ قائم کیا ہے جو ملک کے اعلیٰ ترین اقتصادی منصوبہ ساز کے زیرانتظام کام کرے گا۔

قومی ترقی اور اصلاحات کمیشن کے نائب سربراہ کانگ لیانگ نے ایک پریس کانفرنس میں بتایا کہ یہ ادارہ متعلقہ شعبوں میں پالیسی تعاون مضبوط بنانے کے لئے قائم کیا گیا ۔ نیا ادارہ متعلقہ اقدامات پر جلد از جلد عملدرآمد اور ٹھوس نتائج کے حصول کو یقینی بنائے گا۔

کمیشن کے مطابق نجی معیشت کی ترقی کا سراغ لگانا، اس کا مطالعہ اور تجزیہ کرنا، ترقی کے فروغ کی پالیسیوں اور اقدامات کی تشکیل کو مربوط اور منظم کرنا اور نجی سرمایہ کاری بڑھانے کی پالیسیاں بنانا اس ادارے کی بنیادی ذمہ داریاں ہوں گی۔

نجی اداروں کے ساتھ باقاعدگی سے رابطوں کا ایک میکانزم بنانا، نجی معیشت کے بڑے مسائل کو حل کرنے کی کوششوں کو مربوط کرنا اور عالمی مسابقت بڑھانا بھی ادارے کی ذمہ داریوں میں شامل ہے۔