شنگھائی (شِنہوا) چینی محققین نے ایک کواڈ روٹر کا پہلا نمونہ تیار کیا ہے جو ہوا میں پرواز کے ساتھ ساتھ زیرآب بھی جاسکتا ہے۔ اس صلاحیت نے اسے ایپلی کیشنز کی ایک وسیع رینج کے لئے موزوں بنادیا ہے۔

اس کواڈ روٹر کا نام "ٹی جے ۔فلائنگ فش" ہے جسے ٹونگ جی یونیورسٹی اور چائنیز یونیورسٹی آف ہانگ کانگ کے ماتحت "شنگھائی ریسرچ انسٹی ٹیوٹ فار انٹیلی جنٹ آٹونامس سسٹم" کے سائنسدانوں نے تیار کیا ہے۔

اس کا وزن 1.63 کلوگرام اور ویل بیس 380 ملی میٹرہے ۔یہ 6 منٹ تک ہوا میں پرواز یا تقریباً 40 منٹ تک پانی میں تیرنے کی صلاحیت رکھتا ہے۔

محققین کے مطابق مختلف ماحول میں آپریٹنگ حد کو دوہرے اسپیڈ پروپلشن یونٹ کی مدد سے تبدیل کیا جاسکتا ہے اور ماؤنٹ آرم کے گرد پروپلشن یونٹ کی گردش سے ویکٹرنگ بڑھنے سے زیر آب نقل وحر کت میں اضافہ ہوتا ہے۔

کواڈ روٹر دیگر شعبوں کے علاوہ وسائل کی تلاش، امدادی مشن اور انجینئرنگ معائنے میں کام کی صلاحیت رکھتا ہے۔