بیجنگ(شِنہوا)چین نے زلزلہ کے بعد امداد کے لیے امدادی سامان کی اپنی پہلی کھیپ ترکی روانہ کر دی ہے۔چین کی بین الاقوامی ترقیاتی تعاون ایجنسی (سی آئی ڈی سی اے) کے مطابق 40ہزار کمبلوں کی پہلی کھیپ ہفتے کی صبح 6 بج کر 30 منٹ پر شنگھائی پوڈونگ ایئرپورٹ سے روانہ ہوئی جو اتوار تک استنبول پہنچے گی۔سی آئی ڈی سی اے کے مطابق چین آنے والے دنوں میں دیگر سامان بھی بھیجے گا جن میں 1 ہزار سوتی خیمے ، الیکٹرو کارڈیو گراف مشینیں، الٹراسونک تشخیص، ایمبولینسیں، اور مریضوں کیلئے ہسپتال کی سہولیات سے لیس بستر شامل ہیں۔