بیجنگ (شِنہوا) چین نے 2023 کی پہلی ششماہی کے دوران شہری علاقوں 67 لاکھ 80 ہزار سے زائد ملازمتیں فراہم کیں جو اس کے ملازمتوں بارے سالانہ ہدف کے 57 فیصد کے مساوی ہے۔

وزارت انسانی وسائل و سماجی تحفظ کے مطابق جون میں سروے شدہ شہری بے روزگاری کی شرح 5.2 فیصد تھی۔ چین رواں سال شہروں میں 1 کروڑ 20 لاکھ ملازمتیں پیدا کرنے اور سروے شدہ شہری بیروزگاری کی شرح 5.5 فیصد پر برقرار رکھنے کا ارادہ رکھتا ہے۔

پریس کانفرنس کے بعد وزارت کی ویب سائٹ پر جاری بیان کے مطابق حکومت نے ٹھوس اقدامات کے ساتھ پہلی ششماہی میں روزگار کو ترجیح دینے کی کوششیں تیز کی تھی۔

حکومت نے پہلی ششماہی کے دوران کاروباری اداروں کو  52.8 ارب یوآن (تقریباً 7.4 ارب امریکی ڈالر) کی سبسڈی دی تاکہ کمپنیاں روزگار فراہم کرسکیں۔

حکومت نے مختلف ایکشن پلان اور تربیتی اقدامات سے نوجوانوں خاص کر کالج گریجویٹس کو روزگار کی فراہمی کو فروغ دیا۔

حکومت رواں سال کاروباری اداروں کی حوصلہ افزائی کررہی ہے تاکہ وہ بیرروزگار نوجوانوں کے لیے 10 لاکھ انٹرن شپ مواقع مہیا کرسکیں۔

جون کے اختتام تک 6 لاکھ 83 ہزار انٹرشپ جاری کی جاچکی تھی جس میں 5 لاکھ 19 ہزار افراد نے حصہ لیا۔

بیان کے مطابق ملک نے نوجوانوں بالخصوص کالج گریجویٹس کو مدنظر رکھتے ہوئے  پیشہ ورانہ مہارتوں کی تربیت کو بھی بڑے پیمانے پر ترجیح دی ۔ پہلی ششماہی میں حکومت نے 77 لاکھ سے زائد پیشہ ورانہ تربیتی کوپن جاری کئے جن کا استعمال زیرتربیت افراد مفت تربیتی کورسز کے لئے کرتے ہیں۔

وزارت نے کہا کہ وہ اگلے مرحلے میں کالج طلباء کے لئے روزگار پروگرام کو فروغ دے گی۔