نانجنگ(شِنہوا) چینی محققین نے ایک نئی قسم کی الیکٹرانک جلد (ای-جلد) تیار کی ہے،جس سے روبوٹ اندھیرے میں چیزوں کو چھو کر اپنے اردگرد دیکھ سکیں گے۔
جیل کی طرح نرم ای جلد کی شکل ٹیپ جیسی اور اس میں انسانی جلد کی طرح اسٹریچ ایبلٹی اور خود سے ٹھیک ہونے کی صلاحیت جیسی خصوصیات ہیں۔یہ درجہ حرارت اور دباؤ میں ہونے والی تبدیلیوں کا بھی پتہ لگاسکتی ہے، جس سے روبوٹ میں استعمال کے لیے اس کی افادیت میں مزید اضافہ ہوتا ہے۔
ای جلد کی نشوونما میں ایک بڑی دشواری طویل عرصے سے انسانی جلد جیسی فزیوکیمیکل اور حسی خصوصیات کے ساتھ مناسب اہم آہنگی کی کمی رہی ہے۔ ساؤتھ ایسٹ یونیورسٹی کے محققین کی ٹیم نے قدرتی ریشم، ایک پروٹین مواد پر مبنی اس نئی ای جلد کو تیار کرکے اس مسئلے کا حل نکالا ہے ۔
محققین نے پانی میں جذب کرنے والے کیلشیم آئنز، کمزور تیزابیت والے ہائیڈروجن آئنز، اور دو جہتی نینو میٹریلز کو بھی شامل کیا جو ای جلد کی ترکیب کے لیے ماحولیاتی اثرات کے لیے حساس ہیں۔
تحقیقی ٹیم کے رکن، دوآن شینگ شون نے کہا کہ اس میں جلد جیسی تمام مطلوبہ فزیک کیمیکل خصوصیات ہیں، جیسے اسٹریچ ایبلٹی، خود کو ٹھیک کرنے کی صلاحیت، کمزور تیزابیت اور اینٹی بیکٹیریل سرگرمیاں، اور یہ ایک بار پاور آن ہو نے پر درجہ حرارت، دباؤ اور نمی کو محسوس کرسکتی ہے۔
