ہیفے(شِنہوا)چین نے 2023 کے لیے اپنے سرفہرست 500 چینی کاروباری اداروں کی فہرست جاری کی ہے جس میں مینوفیکچرنگ سیکٹر کی 264 کمپنیاں شامل ہیں جس سے مسلسل تیسرے سال ترقی کو برقرار رکھتے ہوئے گزشتہ سال کی نسبت آٹھ  کمپنیوں کا اضافہ ظاہر ہوتا ہے۔

یہ فہرست چائنہ انٹرپرائز کنفیڈریشن اور چائنہ انٹرپرائز ڈائریکٹرز ایسوسی ایشن نے چین کے مشرقی صوبہ آنہوئی کے شہر ہیفے میں منعقدہ ایک فورم کے دوران شائع کی۔

چین میں سرفہرست 500 کاروباری اداروں کی آمدنی کے لحاظ سے اندراج کا معیار46 ارب99 کروڑ 80 لاکھ یوآن (تقریباً 6 ارب 55 کروڑ ڈالر) رہا جس میں گزشتہ سال کی نسبت 2 ارب 37 کروڑ یوآن کا اضافہ ہوا۔

فہرست کے مطابق ریاستی گرڈ کارپوریشن آف چائنہ، چائنہ نیشنل پیٹرولیم کارپوریشن اور چائنہ پیٹرو کیمیکل کارپوریشن بالترتیب پہلی تین پوزیشنز پرہیں۔

100 ارب یوآن سے زیادہ آمدنی کی حامل کمپنیوں کی تعداد 254 تک پہنچ گئی جبکہ ان میں سے 16کمپنیوں نے 10 کھرب یوآن سے زیادہ کی آمدنی حاصل کی۔