بیجنگ (شِنہوا) چین نے آثار قدیمہ کی متعدد اہم کامیابیوں کا اعلان کرتے ہوئے شانگ خاندان (1600-1046 قبل مسیح) کے مختلف سماجی پہلوؤں کی تاریخی تصویر پیش کی ہے۔

نیشنل کلچرل ہیریٹیج ایڈمنسٹریشن کے مطابق صوبہ شانشی کی چھنگ جیان کاؤنٹی میں ژی گو کھنڈرات کے مقام پر شانگ خاندان کے آخری دور میں اہم خا ندانوں کے 9 اعلیٰ عہدوں کے مقبرے دریافت ہوئے ہیں۔

 شانشی کے شمالی حصے میں پائی جانے والی یہ عظیم تدفین اپنی نوعیت کی سب سے بڑی جگہ ہے۔

انتظامیہ کا کہنا ہے کہ یہ کھنڈرات شانگ خاندان کے سیاسی جغرافیہ کے مطالعے اور مختلف علاقوں کے درمیان تبادلوں کے لیے بہت اہمیت کے حامل ہیں۔

اس نے ہینان ، ہیبے اور بیجنگ میں شانگ خاندان سے متعلق دیگر آثار قدیمہ کی دریافتوں اور پیشرفت کا بھی اعلان کیا۔