بیجنگ (شِںہوا) چین نے شہریوں کی صحت بارے معلومات کا ایک ایسا پلیٹ فارم تیار کیا ہے جو قومی، صوبائی، شہری اور کاؤنٹی سطح پر متعلقہ نیٹ ورکس  سے منسلک ہے۔

قومی صحت کمیشن کے شعبہ منصوبہ بندی کے سربراہ ماؤ چھن نے ایک پریس کانفرنس میں کہا کہ 25 صوبائی سطح کے علاقوں میں اسپتال اپنے متعلقہ خطے کے دیگر اسپتالوں سے مریضوں کا صحت ریکارڈ ڈیجیٹل شکل میں حاصل کرسکتے ہیں۔

ماؤ کے مطابق 17 صوبائی سطح کے علاقوں میں مریضوں کا طبی ریکارڈ خطے کے تمام اسپتالوں کے لیے قابل رسائی ہے۔

ماؤ نے کہا کہ شناخت کی تصدیق کا ایک نظام بھی قائم کردیا گیا ہے جس سے تمام شہریوں کی صحت شناخت موجود ہے اور یہ لوگوں کو بار بار اپنی شناخت کا اندراج کرنے اور مختلف اسپتالوں کے شناختی کارڈ رکھنے کی بجائے اپنے کسی بھی شناختی سرٹیفکیٹ کے ساتھ طبی خدمات حاصل کرنے کی اجازت دیتا ہے۔ .

عہدیدار نے کہا کہ کمیشن متعلقہ معلومات کے باہمی رابطے مزید بہتر بنانے پر کام کر رہا ہے تاکہ لوگوں کو طبی خدمات تک رسائی آسان ہوسکے۔