بیجنگ(شِنہوا)چین نے اپنے شمال مغربی سنکیانگ ویغور خودمختار خطے میں اکسو پریفیکچر کی ووشی  کاؤنٹی میں 7.1 شدت کے زلزلے کے  بعد متاثرہ علاقے کی بحالی کے لیے 3 کروڑیوآن کے امدادی فنڈز مختص کیے ہیں۔

خزانہ اور ہنگامی انتظام کی وزارتوں کی طرف سے مشترکہ طور پر مختص کیے گئے فنڈز کا استعمال آفات سے نمٹنے اور ہنگامی امدادی کاموں میں مدد کے لیے کیا جائے گا جس میں تلاش و بچاؤ، متاثرہ افراد کی نقل مکانی، ثانوی آفات کا پتہ لگانے اور تباہ شدہ گھروں کی مرمت پر توجہ دی جائے گی۔

حکام نے بتایا کہ زلزلے میں تین افراد ہلاک اور پانچ زخمی ہوئے ہیں۔