بیجنگ (شِنہوا) چین نے  سرکاری  رعایتی تعلیمی قرضوں پر رواں سال کے لیے سود  معاف کرتے ہوئے موخر ادائیگی کی اجازت دے دی ہے۔

وزارت خزانہ اور تین دیگر سرکاری ایجنسیوں کی جانب سے مشترکہ طور پر جاری سرکلر کے مطابق، 2024 اور اس سے پہلے گریجویشن کرنے والے کالج کے طلبا کو اس سال قرضوں پر سود کی ادائیگی سے  استثنیٰ  دیا گیا ہے ۔

سرکلر میں کہا گیا ہے یہ طلبا رواں سال کے  تعلیمی قرض کی ادائیگی 12 ماہ کے لیے موخر کرنے کی درخواست بھی دے سکتے ہیں اور ان سے کوئی جرمانہ یا مرکب سود نہیں لیا جائے گا۔

وزارت کے مطابق، ان اقدامات سے  مالی مشکلات سے دوچار گریجویٹس کا مالی بوجھ دور اور طلبا کے لیے روزگار کی خدمات کو بہتر بنانے میں مدد ملے گی۔