بیجنگ(شِنہوا)چین کے وزیر اعظم لی چھیانگ نے بینک کے علاوہ ادائیگی کے اداروں کی نگرانی اور انتظامیہ سے متعلق قوانین  کے اجراء  کے لیے ریاستی کونسل کے حکم نامے پر دستخط کر دیے ہیں جو یکم مئی 2024 سے نافذ العمل ہوں گے۔

ان قوانین کا مقصد ان اداروں اور ان کی کاروباری سرگرمیوں کی قانون پر مبنی نگرانی اور انتظامی صلاحیتوں کو فروغ دینا، اس شعبے کی صحیح اور صحت مند ترقی میں سہولت فراہم کرنا، صارفین کے قانونی حقوق و مفادات کا تحفظ کرنا، اور اداروں کو حقیقی معیشت کی بہتر خدمت کرنے اور متنوع ادائیگی کے طریقوں کے لیے صارفین کی ضرورت پوری کرنے میں مدد کرنا ہے۔

  نئے قواعد میں غیر بینک ادائیگی کے اداروں کی تعریف اور ان کے قیام کی ضروریات اور ادائیگی سے متعلق بہتر قوانین کو واضح کیا گیا ہے۔

قوانین کے مطابق ادائیگی کرنے والے صارفین کے قانونی حقوق اور مفادات کے تحفظ کے لیے، ایسے اداروں کو قواعد کے مطابق موثر مستعدی نظام قائم کرنا چاہیے اور رسک مینجمنٹ کو بڑھانا چاہیے۔ اداروں کو ادائیگی کے کھاتوں کی حفاظت کو بھی یقینی بنانا چاہیے اور غیر قانونی فنڈ ریزنگ، ٹیلی کام فراڈ، منی لانڈرنگ، جوا اور دیگر مجرمانہ سرگرمیوں سے بھی حفاظت کرنی چاہیے۔