بیجنگ (شِنہوا) چین میں نئے طرز کی چائے  کی مارکیٹ کی مالیت 2025 میں 200 ارب یوآن (تقریباً 27.88 ارب امریکی ڈالرز) سے زائد ہونے کا امکان ہے۔

چائنہ اسٹور اینڈ فرنچائز ایسوسی ایشن اور ای کامرس پلیٹ فارم می توان کی جاری کردہ مشترکہ رپورٹ کے مطابق 2023 میں مارکیٹ کی مالیت 149.8 ارب یوآن تک پہنچنے کی توقع ہے۔

نئے طرز کی چائے جیسا کہ کولڈ برو ٹی ، ٹی لاٹے ، فروٹ ٹی اور پنیرٹی میں اکثر تازہ اجزاء استعمال کئے جاتے ہیں اور انہیں جدید تراکیب اور ٹیکنالوجی سے تیار کیا جاتا ہے۔ یہ چائے نوجوان صارفین کو مدنظر رکھتے ہوئے بنائی جاتی ہے۔

رپورٹ میں مارکیٹ کی تیزی سے توسیع پر زور دیتے ہوئے بتایا گیا ہے کہ اگست 2023 کے اختتام تک چین میں تقریباً 5 لاکھ 15 ہزار نئی طرز کی چائے دکانیں تھیں، ان میں 2020 کے اختتام سے 36 فیصد سے زیادہ اضافہ ہوا ہے۔

می توان اور ڈیان پھنگ سمیت آن لائن پلیٹ فارمز کے مطابق جون 2023 میں چین میں تمام مشروبات کی دکانوں میں نئے طرز کی چائے کی دکانوں کا حصہ تقریباً 57.7 فیصد تھا۔