بیجنگ(شِنہوا)چین ایک قومی ڈیٹا بیورو قائم کرے گا جبکہ اس حوالے سے ایک اصلاحاتی منصوبہ منگل کو قومی مقننہ کو غوروخوض کے لیے پیش کیا گیا ہے۔
نیشنل ڈیولپمنٹ اینڈ ریفارم کمیشن (این ڈی آر سی) کے زیر انتظام مجوزہ بیورو ڈیٹا سے متعلقہ ضروری اداروں کی ترقی کو آگے بڑھانے، ڈیٹا کے انضمام کو مربوط بنانے، ڈیٹا کے تبادلے،ڈیٹا وسائل کی ترقی واطلاق اورڈیجیٹل چائنہ کی تعمیرو منصوبہ بندی کو آگے بڑھانے ، ڈیجیٹل معیشت اور ڈیجیٹل معاشرے کی تعمیر سمیت دیگراہداف کے حصول کے لیے ذمہ دار ہوگا۔
سٹیٹ کونسل کے اداروں میں اصلاحات کے منصوبے میں کہا گیا ہے کہ سینٹرل سائبر سپیس افیئر کمیشن اور این ڈی آر سی کے دفتر کے کچھ کام نئے بیورو کو منتقل کیے جائیں گے۔
