بیجنگ (شِنہوا) چینی حکام نے نجی اداروں کے لئے مالیاتی خدمات مستحکم بنانے بارے متعدد اقدامات کا اعلان کیا ہے جس سے ان کی ترقی کو فروغ ملے گا۔

پیپلز بینک آف چائنہ اور قومی مالیاتی نظم ونسق انتظامیہ سمیت 8 اداروں کے مشترکہ طور پر جاری کردہ مراسلے کے مطابق مضبوط مالی مدد نجی اداروں ، خاص طور پر مائیکرو، چھوٹے اور درمیانے درجے کے اداروں کے ساتھ ساتھ کم کاربن صنعتوں جیسی ٹیکنالوجی میں کام کرنے والے اداروں کو دی جائے گی۔

مراسلے میں کریڈٹ، بانڈز اور اسٹاک آپشنز سمیت مختلف مالیاتی سہولیات تک رسائی آسان بنانے پر زور دیا گیا ہے۔ اس میں قرض کے لئے پہلی بار درخواست دینے والوں کے لئے قرض تعاون بڑھانے ، ادارہ جاتی سرمایہ کاروں کی حوصلہ افزائی کرنے اور اسٹاک مارکیٹ اندراج ، انضمام اور ان کے حصول میں مدد کے لئے نجی اداروں کی حوصلہ افزائی کی کوششوں پر زور دیا گیا ہے۔

مالیاتی ادارے نجی اداروں کی خدمات میں درکار ضروریات پوری کرنے کے لئے مالیاتی پالیسی اقدامات ، مراعات اور بیمہ تعاون کا مرکب استعمال کریں گے۔

چین کے یہ اقدامات رواں سال کے اوائل میں نجی معیشت کی ترقی کے فروغ کے وعدے کے بعد سامنے آئے ہیں جس میں حکام نے کاروباری ماحول بہتر بنانے، پالیسی تعاون بڑھانے اور قانونی ضمانت مستحکم کرنے کا عہد کیا تھا۔