بیجنگ(شِنہوا)چین میں حکام نےنجی معیشت کی بحالی کے لیے مزید کوششیں کرنے کا عزم ظاہر کرتے ہوئے جلد مزید اقدامات متعارف کرانے کا عندیہ دیا ہے۔
یہ بیان کمیونسٹ پارٹی آف چائنہ کی مرکزی کمیٹی اور ریاستی کونسل کی جانب سے نجی معیشت کی ترقی کے فروغ کے لیے ایک رہنما اصول جاری کرنے کے بعد سامنے آیا ہے۔
کمیشن کے نائب سربراہ لی چھن لِن نے ایک پریس کانفرنس میں بتایا کہ رہنما اصول پر مکمل عمل درآمد کو یقینی بنانے کے لیے قومی ترقی اور اصلاحات کمیشن مستقبل قریب میں معاون پالیسیاں اور اقدامات متعارف کرانےکی غرض سے متعلقہ فریقوں کے ساتھ مل کر کام کرے گا۔
لی نے کہا کہ معاون اقدامات کے ایک حصے کے طور پر کمیشن جلد ہی نجی سرمایہ کاری کی حوصلہ افزائی کے لیے ایک دستاویز شائع کرے گا تاکہ شعبے کو مکمل طور پر متحرک کیا جا سکے۔
لی نے کہا کہ کمیشن نجی کاروباری شخصیات کے ساتھ سمپوزیم کا انعقاد جاری رکھے گا تاکہ ان کے مسائل حل کرنے سمیت ان کی تجاویز پر توجہ دی جا سکے۔
