بیجنگ(شِنہوا) چین مقامی وبائی بیماریوں کی روک تھام اوران پر کنٹرول کو مضبوط اور بہتر بنائے گا۔

2025-2023 کے لیے بیماریوں کی روک تھام وکنٹرول کے قومی ادارے، نیشنل ڈویلپمنٹ اینڈ ریفارم کمیشن اور 15 دیگر اداروں کی طرف سے مشترکہ طور پر جاری ایکشن پلان کے مطابق،اس منصوبے میں 2025 کے آخر تک حاصل کیے جانے والے سات اہداف کا تعین کیا گیا ہے جن میں آیوڈین کی کمی کو مسلسل ختم کرنا،ہڈیوں کے ٹیڑھے پن کی بیماری کا خاتمہ،امراض دل کی مخصوص بیماری اور پینے کے پانی کی وجہ سے ہونے والی مقامی فلوروسس کو مسلسل کنٹرول کرنا شامل ہے۔

دستاویز میں تمام علاقوں کو اپنے معاشی اور سماجی ترقیاتی منصوبوں میں وبائی امراض کی روک تھام اور کنٹرول کو شامل کرنے، قیادت کو مضبوط بنانے اور اپنی کوششوں میں کافی سرمایہ کاری کو یقینی بنانے کی ہدایت کی گئی ہے۔