بیجنگ (شِںہوا) چین میں نرسز کی تعداد میں گزشتہ 10 برس کے دوران مسلسل اضافہ ہوا اور اضافے کی شرح اوسطاً 8 فیصد سالانہ رہی۔

قومی صحت کمیشن کے طبی انتظامی شعبے کے نائب سربراہ شینگ روئی چھی نے نرسز کے عالمی دن سے قبل ایک پریس کانفرنس میں بتایا کہ گزشتہ ایک دہائی میں نرسنگ افرادی قوت میں ہرسال تقریباً 3 لاکھ نئی نرسز کا اضافہ ہوا۔

شینگ نے بتایا کہ گزشتہ برس کے اختتام پر چین میں اندراج شدہ نرسز کی مجموعی تعداد  52 لاکھ سے زائد ہوچکی تھی جس سے اندراج شدہ نرسز کا تناسب 1 ہزار افراد کے لئے 3.7 بنتا ہے۔

مضبوط نرسنگ تعلیم ، تربیت اور دیگر اقدامات کی بدولت نرسنگ افرادی قوت مستحکم ہورہی ہے اور مریضوں کو اعلیٰ معیار کی صحت نگہداشت فراہم کررہی ہے۔

شینگ کے مطابق قومی صحت کمیشن مئوثر اقدامات کو نافذ کرکے نرسنگ افرادی قوت کی ترقی کو مضبوط بنانے کا ارادہ رکھتا ہے۔

چین میں 2025 تک نرسز کی تعداد 55 لاکھ ہوگی۔ ہر 1 ہزار افراد کے لئے اندراج شدہ نرسز کا تناسب بڑھ کر 3.8 ہوجائے گا۔

ملک نچلی سطح کے صحت اداروں میں نرسزکی تعداد کو 12 لاکھ تک بڑھانے کا ارادہ رکھتا ہے۔