بیجنگ(شِنہوا)چین کی وزارت تجارت (ایم او سی ) نے کہا ہے کہ کوئی بھی ایسا عمل جو مارکیٹ کے اصولوں کے خلاف ہو اور عالمی سیمی کنڈکٹر مارکیٹ کے لیے نقصان دہ ہو، اس سے نہ صرف چینی اداروں کے حقوق اور مفادات کو نقصان پہنچے گا بلکہ امریکہ سمیت دیگر ممالک سے آنے والوں کو بھی متاثر کرے گا۔
چینی وزارت تجارت کے ترجمان ہی یاڈونگ نے یہ بات ایک پریس کانفرنس میں امریکی محکمہ تجارت کی جانب سے چین کی طرف سے بنائی گئی چپس پر سیمی کنڈکٹر سپلائی چینز کے انحصار کا جائزہ لینے کی کوششوں کے بارے میں میڈیا کے سوال کے جواب میں کہی۔
انہوں نے کہا کہ سیمی کنڈکٹر انڈسٹری عالمی سطح پر پھیلی ہوئی ہے اور ان اقدامات سے عالمی صنعت اور سپلائی چینز کے استحکام میں خلل پڑے گا۔ انہوں نے کہا کہ چین متعلقہ امریکی اقدامات کے رجحانات اور اثرات پر گہری نظر رکھے گا اور چین کے اپنے حقوق اور مفادات کی مضبوطی سے حفاظت کرے گا۔
