برازیلیا (شِنہوا) چینی وزیر خارجہ وانگ یی کہا کہ چین ۔ برازیل سفارتی تعلقات کی 50 ویں سالگرہ کو دوطرفہ تعلقات میں اگلے " 50 سنہری سال" کے قیام کے موقع کے طور پر لیں گے۔

وزیر خارجہ  اورکمیونسٹ پارٹی آف چائنہ کی مرکزی کمیٹی کے سیاسی بیورو پولیٹیکل بیورو کے رکن وانگ یی نے یہ بات اپنے برازیلی ہم منصب ماؤرو ویرا کے ساتھ مشترکہ پریس کانفرنس کے میں کہی۔

انہوں نے کہا کہ نصف صدی کے دوران چین ۔ برازیل تعلقات زیادہ پختہ اور لچکدار ہو گئے ہیں اور مسلسل زبردست قوت کا مظاہرہ کر رہے ہیں۔

انہوں نے فریقین پر زور دیا کہ وہ مشترکہ طور پر چین ۔ برازیل جامع سٹریٹجک شراکت داری کو ایک نئی سطح پر لے جائیں اور اسے بڑے ترقی پذیر ممالک کے درمیان اتحاد، تعاون، باہمی فوائد اور باہمی مفید نتائج کا نمونہ بنائیں۔

وانگ نے دونوں فریقوں کے درمیان طے شدہ اہم اتفاق رائے سے آگاہ کیا۔

انہوں نے کہا کہ اس اتفاق رائے سے ترقی پذیر ممالک کے مشترکہ مفادات کے تحفظ، مساوی اور منظم کثیر قطبی دنیا اور ایک جامع اقتصادی عالمگیریت کے فروغ اور مشترکہ مستقبل کے ساتھ چین- برازیل کمیونٹی اور مشترکہ مستقبل کے ساتھ چین- لاطینی امریکہ کمیونٹی کے قیام میں رابطے اور ہم آہنگی مضبوط بنانے میں مدد ملے گی۔ انہوں نے کہا کہ چین جی 20 رہنماؤں کے سربراہ اجلاس، برکس رہنماؤں کے اجلاس اور اقوام متحدہ کی موسمیاتی تبدیلی کانفرنس کی میزبانی میں برازیل  کی مکمل حمایت کرتا ہے۔