بیجنگ (شِںہوا) وزارت تجارت نے کہا ہے کہ 133 واں کینٹن میلہ گوانگ ژو میں اپنے مقام پر تمام سرگرمیوں کے ساتھ 15 اپریل سے 5 مئی تک منعقد ہوگا۔ نوول کرونا وائرس کے سبب 2020 سے میلے کا بڑا حصہ آن لائن منعقد کیا جارہا تھا۔

وزارت کی ترجمان شو جوئے ٹنگ نے ایک پریس کانفرنس میں کہا کہ شرکاء کے لئے آن لائن سروس کی فراہمی جاری رہے گی۔

اس تقر یب کو چائنہ درآمدی اور برآمدی میلہ بھی کہا جاتا ہے۔ اس کا انعقاد 1957 سے شروع ہوا اور یہ سال میں دوبار منعقد ہوتا ہے۔

انہوں نے کہا چونکہ چین نے نوول کرونا وائرس کی روک تھام بارے اقدامات کو بہتر بنا تے ہوئے ایڈجسٹ کیا ہے، اس لئے چینی اور غیر ملکی کاروباری ادارے اب میلے میں شرکت کے اہل ہیں ، لہذا میلہ رواں سال موسم بہار میں مکمل طور پر آف لائن سرگرمیاں دوبارہ شروع کرے گا۔

انہوں نے کہا کہ نمائشی علاقے کو رواں سال 11 لاکھ 80 ہزار مربع میٹرز سے بڑھا کر 15 لاکھ مربع میٹرز کردیا جائے گا۔

انہوں نے کہا کہ ایک اندازے کے مطابق 30 ہزار سے زائد چینی اور غیر ملکی کاروباری ادارے تجارتی میلے میں شرکت کریں گے ۔

 شرکت کنندہ چینی کاروباری اداروں میں 5 ہزار سے زائد معروف مینوفیکچرنگ اور ہائی ٹیک کاروباری ادارے شامل ہوں گے۔