تیان جن (شِنہوا) چین کی شمالی بلدیہ تیان جن کے 4 ویٹ لینڈ قومی افزائش گاہوں میں رواں موسم بہار کے دوران 5 لاکھ 50 ہزار سے زائد مہاجر پرندے موجود ہیں۔
بلدیہ کے منصوبہ بندی اور قدرتی وسائل بیورو کے مطابق رواں موسم بہار میں مہاجر پرندوں کی 60 سے زائد اقسام 4 ویٹ لینڈ قدرتی افزائش گاہوں میں آئی ہیں۔
بیورو کے ایک عہدیدار جیاؤ شیاؤٹونگ نے کہا کہ اول درجے کے قومی تحفظ میں آنے والے پرندوں کی تعداد عمومی طور پر گزشتہ برس کی طرح رہی ۔ ان میں مشرقی سفید سارس، لاریس ریلیکٹس اور گریٹ بسٹرڈ شامل ہیں۔
سفید گردن والے سارس ماضی میں شاذ و نادر ہی دیکھے جاتے تھے تاہم گزشتہ برسوں کی نسبت رواں سال اس میں نمایاں اضافہ ہوا اور یہ 500 سے زائد تھے۔
دوسرے درجے کے قومی تحفظ میں آنے والے پرندوں کی تعداد معمولی اضافے سے 80 ہزار سے زائد ہوگئی ان میں ووپر ہنس، ٹنڈرا ہنس اور سپون بل شامل ہیں۔
جیاؤ نے مزید کہا کہ تیان جن میں مہاجر پرندوں کی نقل مکانی کے عروج کا وقت جاری ہے۔ موسم بہار میں مہاجر پرندوں کی نقل مکانی کا وقت مئی کے وسط سے مئی کے اختتام کے درمیان ختم ہوجائے گا۔
مہاجر پرندوں کی حفاظت یقینی بنانے کے لئے تیان جن ان علاقوں میں ان کی رہائش گاہوں کا معائنہ اور گشت پر توجہ دے رہا ہے جہاں ان کی تعداد زیادہ ہے۔
جیاؤ نے کہا کہ غیر قانونی شکار، غیرقانونی تجارت، مہاجر پرندوں کے غیرقانونی استعمال اور دیگر غیرقانونی اور مجرمانہ سرگرمیوں کے خلاف تیان جن سخت کارروائی کرتا ہے تاکہ مہاجر پرندوں کے وسائل تباہ کرنے والی غیرقانونی سرگرمیوں کی روک تھام کی جاسکے۔
