ژینگ ژو (شِنہوا) چین کے ماہرین آثار قدیمہ نے چین کے وسطی صوبہ ہینان میں سونگ خاندان (960-1279) سے یوآن خاندان (1271-1368) تک کے کھنڈرات دریافت کیے ہیں۔
ان کا خیال ہے کہ یہ ممکنہ طور پر شمالی سونگ خاندان (960-1127) کےعہد کے دوران ساؤ ساؤ کے مقبرے کے لیے قائم کیے گئے محافظ گھرانے کی جگہ ہو سکتی ہے۔
ہینان کے صوبائی انسٹی ٹیوٹ برائے ثقافتی ورثہ اور آثار قدیمہ کے مطابق اس مقام پر اینٹوں کی زیر زمین نکاسی آب کی سہولیات اور فن تعمیر کے کھنڈرات دریافت ہوئے جو چین کی ایک ممتاز تاریخی شخصیت ساؤ ساؤ کے مقبرے کی مغربی جانب واقع تھے۔
انسٹی ٹیوٹ کے ایک ایسوسی ایٹ محقق ژاؤ لی گانگ نے کہا ہے کہ ہینان کے شہر آ ن یانگ میں اس جگہ سےبہت سے متنوع ثقافتی آثار دریافت ہوئے ہیں جن میں چینی مٹی کے برتن کی اشیاء، سکے، تفریحی ظروف اور عمارت کے اجزا بھی شامل ہیں۔
ژو نے کہا کہ دریافت ہونے والے تعمیراتی آثار اور نکاسی کی سہولیات کی خصوصیات اور چینی مٹی کے برتنوں کی بڑی تعداد اور مختلف اقسام کی بنیاد پر یہ خیال کیا جاتا ہے کہ تعمیرات کوئی عام رہائش گاہ نہیں تھی۔
ژو نے مزید کہا کہ ادب کے ریکارڈ کے ساتھ ملا کر یہ نتیجہ اخذ کیا جاسکتاہے کہ یہ مزار کے محافظ گھرانے کی جگہ ہو سکتی ہے ۔
ژو نے مزید کہا مستقبل کی فیلڈ ریسرچ سے توقع کی جاتی ہے کہ اس رہائش گاہ کے کام کے بارے میں مزید سراغ فراہم کیا جا ئے گا اور ساؤ ساؤ کے مقبرے کے ارد گرد تاریخی ماحول کی تبدیلیوں کی تحقیق کے لیے نیا مواد فراہم ہو گا ۔
