بیجنگ (شِنہوا) چین میں اگست کے اوائل میں جولائی کے آخر کی نسبت شماریاتی حکام کی زیرنگرانی زیادہ تر اہم اشیاء کی قیمت میں اضافہ ہوا ہے۔

قومی ادارہ شماریات کے مطابق 50 اہم اشیاء میں سے 31 کے نرخ میں اضافہ اور 15 میں کمی ہوئی جبکہ 4 اشیاء کی قیمت میں کوئی ردوبدل نہیں ہوا۔ 

ان اشیاء کو 9 کیٹیگریز میں تقسیم کیا گیا ہے جس میں سیم لیس اسٹیل ٹیوب، ایندھن ، کوئلہ ، کھاد اور کچھ کیمیائی مادے شامل ہیں۔

جولائی کے آخر کی نسبت اگست کے اوائل میں مائع پیٹرولیم گیس کے نرخ 12.4 فیصد بڑھے جبکہ مائع قدرتی گیس کے نرخ میں 5.1 فیصد کمی ہوئی۔

یہ اعدادوشمار 31 صوبائی سطح کے علاقوں میں 2 ہزار تھوک فروشوں اور تقسیم کنند گان سے سروے کی بنیاد پر تیار کر تے ہو ئے ہر 10 ویں روز جاری کئے جاتے ہیں۔