بیجنگ (شِںہوا) چین میں کھپت کے فروغ کی پالیسیوں کے سبب طلب میں اضافہ ہوا ہے جس کی بدولت اکتوبر 2023 کے دوران پک اپ ٹرکوں کی فروخت گزشتہ برس کی نسبت 0.9 فیصد بڑھ گئی۔

چائنہ پیسنجر کار ایسوسی ایشن کے مطابق چین میں گزشتہ ماہ مجموعی طور پر 42 ہزار پک اپ ٹرک فروخت ہوئے۔

 پک اپ ٹرکوں کی پیداوار میں اکتوبر کے دوران 5.1 فیصد سالانہ کمی ہوئی جبکہ ان گاڑیوں کی برآمدات 12 ہزار یونٹس تک پہنچ گئی۔

چین میں 2023 کے ابتدائی 10 ماہ کے دوران پک اپ ٹرکوں کی مجموعی فروخت 4 لاکھ 20 ہزار یونٹس رہی جو گزشتہ برس کی نسبت 1.8 فیصد کم ہے۔