بیجنگ (شِنہوا) چین میں اشیائے صرف کی پرچون فروخت میں رواں سال کی پہلی سہ ماہی میں گزشتہ سال کی نسبت 5.8 فیصد اضافہ ہوا ۔

قومی ادارہ شماریات کے اعداد و شمار کے مطابق صرف مارچ میں پرچون فروخت گزشتہ سال کی نسبت 10.6 فیصد زائد رہی۔ 

شہری علاقوں میں گزشتہ ماہ پرچون فروخت تقریباً 32.9 کھرب یوآن (تقریباً 478 ارب امریکی ڈالرز) تک پہنچ گئی جو گزشتہ برس کے مقابلے  10.7 فیصد زائد ہے جبکہ دیہی علاقوں میں یہ اضافہ گزشتہ برس کی نسبت  10 فیصد رہا ۔ 

مارچ میں اشیا کی پرچون فروخت ایک برس قبل کے مقابلے میں 9.1 فیصد اضافے سے  تقریباً 34.1 کھرب یوآن رہی جبکہ کیٹرنگ آمدن  370.7 ارب یوآن تک پہنچ گئی جو گزشتہ برس کی نسبت  26.3 فیصد زائد ہے۔

قومی ادارہ شماریات نے بتایا کہ  پہلی سہ ماہی میں ملک میں اشیائے صرف  کی پرچون فروخت مجموعی طورپر تقریباً 114.9 کھرب یوآن رہی۔

آن لائن کھپت کی پرچون فروخت گزشتہ برس کی نسبت 8.6 فیصد اضافے سے  ابتدائی 3 ماہ میں تقریباً 32.9 کھرب یوآن تک پہنچ گئی۔ جس سے اس کی نمایاں خصوصیت برقرار رہی۔ 

قومی ادارہ شماریات کے ترجمان فولنگ ہوئی نے ایک پریس کانفرنس میں بتایا کہ رواں سال کے آغاز سے مجموعی طورپرکھپت بحال ہورہی ہے۔ اس میں خدمات کی کھپت میں نمایاں اضافہ ہوا، سامان کی آن لائن اور آف لائن فروخت تیزی سے بڑھی ہے اور لوگوں میں خریداری کا رجحان تیزی سے پروان چڑھ رہا ہے۔