بیجنگ (شِنہوا) چین کی سافٹ و ئیر اور انفارمیشن ٹیکنالوجی سروس انڈسٹری میں 2023 کی پہلی سہ ماہی کے دوران آمدن اور منافع کی شرح نمو پائیدار رہی۔

وزارت صنعت اور انفارمیشن ٹیکنالوجی کے مطابق پہلی سہ ماہی میں شعبے کا منافع گزشتہ برس کی نسبت 15.1 فیصد بڑھ کر 266 ارب یوآن (تقریباً 38.42 ارب امریکی ڈالرز) رہا جبکہ آمدنی ایک سال قبل کے مقابلے میں 13.5 فیصد اضافے سے 24.4 کھرب یوآن رہی۔

اس مدت میں سافٹ وئیر مصنوعات سے حاصل آمدن گزشتہ برس کی نسبت 12.1 فیصد بڑھ کر 605.8 ارب یوآن رہی۔ صنعتی سافٹ ویئر مصنوعات سے 59.5 ارب یوآن کی آمدنی ہوئی جو گزشتہ برس کے مقابلے میں 12.5 فیصد زائد ہے۔

کلاؤڈ کمپیوٹنگ اور بِگ ڈیٹا سروسز کی آمدنی میں گزشتہ برس کی نسبت 16.6 فیصد جبکہ ای کامرس پلیٹ فارم ٹیکنیکل سروسز کی آمدنی میں 4.8 فیصد اضافہ ہوا۔