بیجنگ (شِںہوا) چین کے صنعتی شعبے میں بجلی کی بڑھتی طلب کے سبب 2023 کی پہلی سہ ماہی کے دوران توانائی کے استعمال میں اضافہ کا رجحان برقرار رہا ۔

قومی توانائی انتظامیہ کے ایک عہدیدار ڈونگ وان چھنگ نے ایک پریس کانفرنس میں بتایا کہ ابتدائی 3 ماہ میں بجلی کی مجموعی کھپت میں گزشتہ برس کی نسبت 3.6 فیصد اضافہ ہوا۔

ڈونگ نے بتایا کہ صنعتی شعبے میں بجلی کی کھپت 2022 کی اسی مدت کی نسبت 4.4 فیصد بڑھی جو مجموعی اضافے کا 78 فیصد ہے ۔

ڈونگ کے مطابق صنعتی شعبے میں بجلی کی بڑھتی طلب کے سبب رواں سال کی پہلی سہ ماہی کے دوران کوئلے کی کھپت میں مسلسل اضافہ ہوا، جبکہ قدرتی گیس اور صاف تیل کی کھپت بھی فروری کے بعد سے بڑھی ہے ۔

ڈونگ نے مزید بتایا کہ ملک میں توانائی کی طلب پوری کرنے کے لیے چین نے توانائی کی درآمدات میں اضافہ کیا ہے۔ پہلی سہ ماہی کے دوران کوئلے کی درآمد میں گزشتہ برس کی نسبت 96.1 اضافہ ہوا ۔