بیجنگ (شِںہوا) چین میں رواں سال کی پہلی ششماہی کے دوران ارضیاتی آفات میں گزشتہ برس کی اسی مدت کی نسبت کمی ہوئی ہے۔

وزارت قدرتی وسائل کے ایک عہدیدار یو ہائی فینگ کے مطابق جنوری سے جون کے دوران ملک میں مجموعی طور پر 665 ارضیاتی آفات رپورٹ ہوئیں جو گزشتہ برس کی نسبت 86.4 فیصد کمی ہے۔ اسی طرح یہ گزشتہ 5 برس کے اوسط سے 70 فیصد کم ہیں۔

یو نے بتایا کہ ان آفات سے ہلاکتوں اور لاپتہ افراد کی تعداد میں بھی گزشتہ برس کے اسی عرصے کی نسبت 48.1 فیصد کمی ہوئی ہے۔

انہوں نے مزید بتایا کہ ملک نے پہلی ششماہی میں 59 ارضیاتی آفات کی درست اور بروقت پیشگوئی کر تے ہوئے 676 افراد کے ممکنہ جانی نقصان کو بچایا ۔

انہوں نے کہا کہ ملک نے ارضیاتی آفات اور موسمیاتی خطرات کی نگرانی کا ایک قومی سطح کا میکانزم شروع کیا ہے جس کے لئے 2 لاکھ 67 ہزارافراد کو آفات کی نگرانی اور قبل از وقت انتباہ میں حصہ لینے کے لئے متحرک کیا ہے۔