بیجنگ (شِنہوا) چین کی بیرون ملک سرمایہ کاری میں اضافے کا سلسلہ 2023 کی پہلی ششماہی کے دوران بھی جاری رہا۔

وزارت تجارت کے مطابق رواں سال کے ابتدائی 6 ماہ کے دوران ملک کی غیرمالیاتی بیرون ملک براہ راست سرمایہ کاری (او ڈی آئی) گزشتہ برس کی نسبت 22.7 فیصد اضافے سے 431.61 ارب یوآن رہی۔

اعداد و شمار کے مطابق اس عرصے میں امریکی ڈالر کے اعتبار سے بیرون ملک براہ راست سرمایہ کاری کا حجم 62.29 ارب امریکی ڈالرتھا جو ایک سال قبل کی نسبت 14.8 فیصد زائد ہے۔

بیلٹ اینڈ روڈ سے متصل ممالک میں پہلی ششماہی کے دوران غیر مالیاتی بیرون ملک براہ راست سرمایہ کار 11.57 ارب امریکی ڈالررہی جو گزشتہ برس کی نسبت 15.4 فیصد زائد ہے اور مجموعہ کا 18.6 فیصد حصہ  ہے۔

وزارت نے بتایا کہ بیرون ملک معاہدہ شدہ منصوبوں کی کاروباری مالیت گزشتہ برس کی نسبت 7 فیصد اضافے سے 490.1 ارب یوآن تک پہنچ گئی جبکہ نئے دستخط شدہ معاہدوں کی مالیت 655.98 ارب یوآن رہی جو ایک برس قبل سے 2.3 فیصد کم ہے۔