ارمچی (شِنہوا) چین کے شمال مغربی سنکیانگ ویغورخوداختیار خطے میں 2023 کی پہلی ششماہی کے دوران غیرملکی تجارت کا حجم تقریباً 149.62 ارب یوآن (تقریباً 20.9 ارب امریکی ڈالرز) رہا جو گزشتہ برس کی نسبت 65.2 فیصد زائد اور ایک دہائی کی بلند ترین سطح ہے۔

ارمچی کسٹمز کے مطابق سنکیانگ میں بیلٹ اینڈ روڈ سے متصل ممالک کے ساتھ قریبی اقتصادی اور تجارتی تبادلے، اعلی ویلیو ایڈڈ مصنوعات کی برآمد میں مثبت رفتار اور زرعی درآمدات میں بتدریج اضافہ ہوا۔

رواں سال کی پہلی ششماہی میں بیلٹ اینڈ روڈ سے متصل ممالک کے ساتھ سنکیانگ کی تجارت مجموعی طور پر 138.3 ارب یوآن رہی جو گزشتہ برس کی نسبت 68.2 فیصد زائد ہے۔ وسط ایشیا کے 5 ممالک کے ساتھ اس کی تجارت کا حجم 119.66 ارب یوآن رہا جو گزشتہ برس سے 75.1 فیصد اضافہ ہے۔

الیکٹرک گاڑیوں اور شمسی سیل کی برآمدات میں جنوری سے جون کے دوران بالترتیب 363.3 فیصد اور 54.9 گنا اضافہ ہوا جو خطے کی اعلی ویلیو ایڈڈ مصنوعات کی بڑھتی مسابقت کو ظاہر کرتا ہے۔