بیجنگ (شِنہوا) چین میں 2023 کی پہلی ششماہی کے دوران 585 مفروروں کو بیرون ملک سے وطن لایا گیا اور ان سے تقریباً 1.93 ارب یوآن (27 کروڑ امریکی ڈالر) مالیت کے غیر قانونی اثاثے برآمد کئے گئے۔

کمیونسٹ پارٹی آف چائنہ کے مرکزی کمیشن برائے نظم و معائنہ اور قومی نگراں کمیشن کی ویب سائٹ پر جاری معلومات کے مطابق وطن واپس لائے مفرورافراد میں سے 25 انٹرپول کی ریڈ نوٹس فہرست میں جبکہ ایک ملک کی 100 انتہائی مطلوب مفرور افراد کی فہرست میں شامل تھا۔

چین بیرون ملک چھپے بدعنوان افسران کا سراغ لگانے ، مفرورافراد کا تعاقب کرنے، فرار سے روکنے اور چوری شدہ اثاثوں کی بازیابی کے لئے ایک مربوط میکانزم قائم کرکے انسداد بدعنوانی کی کارروائیاں بڑھارہا ہے۔

رشوت لینے کے الزام میں مفرور گو جی فانگ چین واپس آیا اور 10 جون کو اس نے خود حکام کے سپرد کردیا ۔ گو سے غیرقانونی اثاثے برآمد کرلئے گئے ہیں۔

حکام نے انسداد بدعنوانی میں عالمی تعاون گہرا کرنے اور بیرون ملک مفروروں اور غیر قانونی اثاثوں کی بازیابی کی کوششوں پر سخت موقف برقرار رکھنے کا عہد دہرایا ہے۔