بیجنگ (شِںہوا) چین کی ریاستی کونسل نے معاشی اہداف متاثر کرنے والے اقدامات کی روک تھام اور اس ضمن میں مزید پالیسیاں اپنانے کی ضرورت پر زور دیا ہے۔ ریاستی کونسل کے مطابق بحالی کا رجحان مستحکم کرنے اور چینی معیشت کی مزید ترقی کے فروغ کے لئے یہ درست وقت ہے۔

وزیر اعظم لی چھیانگ کی زیر صدارت اسٹیٹ کونسل کے ایگزیکٹو اجلاس کے مطابق نجی سرمایہ کاری اس کی روح کے مطابق متحرک کرنے، سرمایہ مارکیٹ کی مضبوطی اور سرمایہ کاروں کا اعتماد بڑھانے کی کوششیں کرنے کی ضرورت ہے۔

اسٹریٹجک ابھرتے شعبوں کی انکیوبیشن تیز کرنے ، نئے صنعتوں کا فروغ ،عالمی صنعتی اور سپلائی چین میں چین کی مسابقت اور اثر و رسوخ میں اضافہ بھی لازم ہے۔

اجلاس میں جائیدادوں کی مارکیٹ بارے پالیسیاں بہتر بنانے کی ضرورت پر زور دیتے ہوئے شہری خصوصیت کی حامل مخصوص پالیسیاں پیش کرنے کو کہا گیا ہے جو مختلف ضروریات پوری کرسکیں اور اس شعبے کی مستحکم اور پائیدار ترقی میں سازگار ہوں۔

روزگار پر بہت زیادہ توجہ دینی چاہئے جبکہ روزگار اور انٹرپرینیورشپ بڑھانے کی پالیسیاں مربوط اور بہتر بنانی چاہئے تاکہ زیادہ ملازمتیں پیدا کی جاسکیں۔

اجلاس میں کہا گیا ہے کہ رواں سال اور اگلے سال ختم ہونے والی پالیسیوں بارے معلومات حاصل کرنا کاروباری توقعات کو مستحکم کرنے اور اعتماد بڑھانے میں اہم ہے۔

اجلاس نے نئے انتظامات پر مکمل عملدرآمد بارے بھی زور دیا۔

اجلاس میں 3 جوہری توانائی منصوبوں کی بھی منظوری دی گئی جو صوبہ فوجیان میں ننگ ڈے، صوبہ لیاؤننگ میں شو دا پو اور صوبہ شان ڈونگ میں شی ڈاؤ خلیج میں قائم کئے جائیں گے۔