بیجنگ (شِنہوا) چین میں ڈریگن کشتی تہوار کی تعطیلات کے دوران ریلوے سفر میں تیزی متوقع ہے۔

چائنہ اسٹیٹ ریلوے گروپ کمپنی لمیٹڈ کے مطابق بدھ سے اتوار کے دوران تقریباً 7 کروڑ 10 لاکھ ریلوے سفر ہوں گے جن کا یومیہ اوسط 1 کروڑ 42 لاکھ تک پہنچ جائے گا۔

جمعرات کو سفر کا عروج ہوگا جس میں تقریباً 1 کروڑ 60 لاکھ ریلوے  دورے متوقع ہیں۔

گروپ نے بتایا کہ چین میں ریلوے نقل و حمل کی اپنی صلاحیت کو بڑھارہی ہے تاکہ لوگوں کی سفری ضروریات پوری کرنے کی صلاحیت بڑھ سکے۔ اس کے ساتھ ہی خدمات کا معیار بھی بہتر بنایا جارہا ہے تاکہ مسافر بہتر تجربہ حاصل کرسکیں۔

ڈریگن کشتی میلہ کو ڈوانوو میلہ بھی کہا جاتا ہے جو چینی قمری کیلنڈر کے 5ویں مہینے کے 5 ویں دن منایا جاتا ہے۔