بیجنگ(شِنہوا) چین رواں سال بے ڈو نیوی گیشن سیٹلائٹ سسٹم (بی ڈی ایس) کے لیے ایک سے تین نیٹ ورک بیک اپ سیٹلائٹس خلا میں بھیجے گا، جس کا مقصد نیوی گیشن سیٹلائٹ کے استحکام اور استعمال کو بہتر بنانا ہے۔ اس بات کا اعلان جمعرات کو 13ویں چائنہ سیٹلائٹ نیوی گیشن کانفرنس میں کیا گیا۔

سائنس ٹیک کے ایک قومی بڑے پروجیکٹ کے طور پر، بی ڈی ایس ایک عالمی نیویگیشن سیٹلائٹ سسٹم ہے، جسے چین نے اپنے  طور پر تیار کیا اور وہ اسے آپریٹ بھی کررہا ہے۔ فی الحال، خلا میں اس سسٹم کے 45 سیٹلائٹس ہیں، جن میں بی ڈی ایس-2 کے لیے 15 اور بی ڈی ایس -3کے لیے 30 سیٹلائٹس شامل ہیں۔

تمام سیٹلائٹ نیٹ ورک سے جڑے ہوئے ہیں اور مستقل طور پر کام کر رہے ہیں۔ سسٹم سے فراہم کی جانے والی خدمات جن میں عالمی اور علاقائی مختصر پیغام رسانی، بین الاقوامی سرچ اینڈ ریسکیو، سنگل پوائنٹ پوزیشننگ اور اسپیس بیسڈ اور گراؤنڈ بیسڈ انہاسمنٹ سمیت تمام مطلوبہ ضروریات کو پورا کررہی ہیں۔

بی ڈی ایس کا آغاز 1994 میں کیا گیا تھا۔ بی ڈی ایس-1 اور بی ڈی ایس-2 کی تعمیر بالترتیب 2000 اور 2012 میں مکمل ہوئی۔31 جولائی 2020 کو بی ڈی ایس-3 کے مکمل ہونے اور استعمال میں لائے جانے کے بعد چین دنیا کا تیسرا ملک بن گیا تھا جس کے پاس اپنا عالمی نیویگیشن سیٹلائٹ سسٹم ہے۔