بیجنگ(شِنہوا) چین میں روزگار کے اعلیٰ معیاری اور کافی زیادہ مواقع حاصل کرنے میں روزگار کے متلاشی افراد کی مددکے لیے لائیو سٹریمنگ بیسز بنائے جائیں گے۔
وزارت انسانی وسائل و سماجی تحفظ کی جانب سے جاری ایک سرکلر میں کہا گیا ہے کہ سرکاری ملازمت کی خدمات کے مقامات پر ایسے بیس قائم کرنے کے لیے سہولیات کی ضرورت ہے۔ سرکلر میں کہا گیا ہے کہ بیسز گروپ کی یونیورسٹیوں، صنعتی پارکوں، کاروباری اداروں، انسانی وسائل کی خدمت کرنے والی ایجنسیوں اور سوشل میڈیا کے ساتھ کام کرنے کے لیے حوصلہ افزائی کی جائے گی تاکہ ملازمت کے متلاشی افراد اور آجروں کے مختلف مطالبات کو پورا کیا جا سکے۔
وزارت نے مقامی اداروں پر زور دیا کہ وہ لائیو سٹریمنگ کی انٹرایکٹو طاقت کو مکمل طور پر استعمال کریں اور انسانی وسائل کی مارکیٹ میں طلب اور رسد کے تناسب کو برقرار رکھنے کے لیے جاب پروموشن جیسے کاموں کو مسلسل بہتر بنائیں۔
کچھ آن لائن پلیٹ فارمز نے حالیہ برسوں میں لائیو اسٹریمز جاب فیئر منعقد کیے ہیں۔ فیلڈ وزٹ کے ذریعے، لائیو سٹریمنگ میزبان آجروں اور ملازمت کے متلاشی افراد کازیادہ براہ راست اور موثر طریقے سے رابطہ کراتے ہوئے جامع، ویژوئل اور انٹرایکٹو طریقے سے روزگار کے خوا ہشمند افراد کو کاروباری اداروں اور روزگار کی نوعیت سے متعارف کروا سکتے ہیں۔
