بیجنگ(شِنہوا)چین سائنس اور ٹیکنالوجی میں خود انحصاری حاصل کرنے کے لیے حقیقی معیشت اور جدت پر مبنی شعبوں میں زیادہ سرمایہ لگائے گا۔

چین کے مرکزی بینک پیپلز بینک آف چائنہ کے ڈپٹی گورنر ژانگ چھنگ سونگ نے ایک پریس کانفرنس میں بتایا کہ ملک مالیاتی شعبے کی سپلائی سائیڈ اسٹرکچرل اصلاحات کو مزید وسعت دے گا اور ٹیکنالوجی پر مبنی مختلف قسم کے اداروں کی مالی ضروریات کے لیے موزوں مالیاتی خدمات کا نظام بنائے گا۔

بینک کے اعداد و شمار سے پتہ چلتا ہے کہ اس طرح کے کاروباری اداروں کی جانب سے اس سال کی پہلی ششماہی میں  قرض کے استعمال میں تیزی سے  توسیع دیکھی گئی۔ اس مدت کے دوران ہائی ٹیک مینوفیکچرنگ انڈسٹری میں کاروباری اداروں کے درمیانی اور طویل مدتی واجب الادا قرضے 25 کھرب یوآن (تقریباً 350 ارب 80کروڑ ڈالر) تھے جن میں گزشتہ سال کی نسبت 41.5 فیصداضافہ ہوا۔ سائنس اور ٹیکنالوجی میں چھوٹے اور درمیانے درجے کے کاروباری اداروں کے واجب الادا قرضے 23 کھرب 60 ارب یوآن تک پہنچ گئے جو گزشتہ سال کی نسبت  25.1 زیادہ ہیں۔