بیجنگ (شِنہوا) چین کی سافٹ ویئر اور انفارمیشن ٹیکنالوجی خدمات صنعت میں رواں سال کی ابتدائی 3 سہ ماہی کے دوران آمدن اور منافع میں اضافہ کی شرح 2 ہندسوں میں رہی۔

وزارت صنعت و انفارمیشن ٹیکنالوجی کے مطابق اس مدت میں شعبے کا منافع 10.1 کھرب یوآن (تقریباً 140.7 ارب امریکی ڈالر) تک پہنچ گیا جو گزشتہ برس کی نسبت 18.3 فیصد زائد ہے۔

اس عرصے میں شعبے کی مجموعی آمدن 87.6 کھرب یوآن رہی جو گزشتہ برس کی اسی مدت کے مقابلے میں 13.5 فیصد زیادہ ہے۔

اس مدت کے دوران کلاؤڈ کمپیوٹنگ اور بگ ڈیٹا سروسز میں آمدن گزشتہ برس کی نسبت 15.8 فیصد اضافے سے 875 ارب یوآن اور ای کامرس پلیٹ فارمز میں انفارمیشن اینڈ ٹیکنالوجی خدمات کی آمدن 9.4 فیصد اضافے کے ساتھ 799 ارب یوآن تک پہنچ گئی۔