برلن(شِنہوا) بی ایم ڈبلیو گروپ ریجن چائنہ کے صدر اور سی ای او جوچھن گولر نے کہا ہے کہ چین ایک بڑی مارکیٹ اور اختراع میں عالمی رہنما کی حیثیت سے چینی اور جرمن کمپنیز کے درمیان تعاون کے مزید مواقع مہیا کرے گا۔

گولر نے شِںہوا کو ایک تحریری انٹرویو میں بتایا کہ چین ایک بڑی منڈی ہے اور اختراع کی قیادت بھی کررہا ہے ملک نے گاڑیوں کی صنعت کے کچھ شعبوں کو ایک معروف ٹیکنالوجی مارکیٹ میں تبدیل کردیا ہے۔

گولر نے مزید بتایا کہ چین دنیا میں نئی توانائی گاڑیوں کی سب سے بڑی منڈی ہے اور بیٹری مینوفیکچرنگ ، برقی گاڑیوں کے پرزہ جات اور دیگر شعبوں میں عالمی رہنما بن چکا ہے۔

انہوں نے کہا کہ چین میں بی ایم ڈبلیو نے بیجنگ ، شنگھائی ، شین یانگ اور نان جنگ میں 4 تحقیق و ترقی مراکز کے ساتھ ساتھ لنگ یو ڈیجیٹل انفارمیشن ٹیکنالوجی کمپنی لمیٹڈ  قائم کی ہے جو صارفین کا ڈیجیٹل تجربے بہتر بنانے پر توجہ دے رہی ہے۔

گولر نے کہاکہ یہ اختراع اعتبار سے ہماری ترقی کے اعلیٰ معیار کی نشاندہی بھی کرتا ہے۔

چین کے شمالی صوبہ لیاؤننگ کا دارالحکومت شین یانگ بی ایم ڈبلیو بریلینس آٹوموٹو (بی بی اے) کی پیداوار کا مرکز ہے ۔ جہاں اس کے گاڑیوں کے 2 کارخانے ، ایک تحقیق وترقی مرکز  اور ایک پاورٹرین پلانٹ قائم ہے ۔ یہ بی ایم ڈبلیو گروپ کے عالمی پیداواری نیٹ ورک کا سب سے بڑا پیداواری مرکز ہے۔