چھانگشا (شِنہوا) چین کے وسطی صوبہ ہونان میں ہفتے سے اتوار تک ہونے والی موسلادھار بارشوں کے بعد تین ہزار سے زائد افراد کو محفوظ مقامات پر منتقل کر دیا گیا ہے۔

ہفتے کے روز سے چین کے  شمال مغربی ہونان میں موسلا دھار بارشوں کا سلسلہ جاری ہے اور سانگ زی، شیمین ، یونگ شن اور ژانگ جیاجی شہر میں سیلاب سے نمٹنے کے لیے ہنگامی اقدامات شروع کر د ئیے گئے ہیں۔

دریائے لیشوئی پر واقع سانگھی اسٹیشن میں پانی کی سطح 259.21 میٹرز ریکارڈ کی گئی جو ا نتباہی سطح سے 2.71 میٹرز زیادہ ہے اور 10.85 میٹر کا نمایاں اضافہ ظاہر کرتی ہے۔

موسلا دھار بارش کے نتیجے میں سانگ زی کاؤنٹی سیٹ کے شہری نشیبی علاقوں میں سیلاب آ گیا ہے  جس سے کچھ دیہی مکانات زیر آب آ گئے ہیں۔

 دریائے لیشوئی کے کنارے سڑکیں سیلاب کی وجہ سے ناقابل رسائی ہو گئی ہیں اور شدید بارش کی وجہ سے متعدد  کاؤنٹی اور ٹاؤن شپ سطح کی سڑکیں مختلف درجے کی تباہی کا شکار ہیں۔